 |
|
|
|
|
|
Perfil
Punto de partida/chegada: Comeza por un camiño de terra que se atopa á dereita da casa de turismo rural dos Areeiros e remata de novo nese punto.
Lonxitude: Ruta circular, duns 3.320 m.
Modalidades: A pe, a cabalo ou en bicicleta.
Duración: O tempo aproximado é de 1 hora.
Dificultade: Baixa.
Descrición
Por detrás da casa rural vai unha pista forestal que discorre ó lado dalgunhas fincas. A medida que se separa da casa métese nunha masa boscosa. Tras uns 900 metros, o sendeiro sepárase da pista forestal e sube por un camiño ata chegar ó barrio de Vilar. Tras cruzar o barrio, o sendeiro discorre entre fincas. Mais adiante, o sendeiro volve a discorrer por masas forestais nunha zona alta onde se sitúan varios petroglifos. Dende aqui, o sendeiro baixa de novo cara a casa de turismo rural.
 
Puntos de interese
Recursos arqueolóxicos e etnográficos:
- Catro petroglifos.
- Unha cista (antigo enterramento).
- Lavadoiro tradicional.
- Dúas fontes.
- Lugar da antiga casa do cura.
Elementos Naturais
- Miradoiro de Acuña.
- Flora: carballos, loureiros, bidueiros, ameneiros, eucaliptos e piñeiros.
- Fauna: reptis, insectos, mamiferos e unha importante representación de aves.
|
|
|
|
|
|
|
 |
