 |
A A-D-R
PROGRAMA DE DESENVOLVEMENTO RURAL
TABOLEIRO DE AVISOS
SENDEROS
Perfil
Punto de partida/chegada: Comeza no Club de Piragüismo de Vilaboa e remata en Larache.
Lonxitude: Ruta lonxitudinal. 4.780 m.
Modalidades: A pé, a cabalo ou en bicicleta.
Duración: O tempo aproximado é de 1 hora.
Dificultade: Baixa, xa que todo o sendeiro ten un ancho próximo os dous metros e unha pendente case nula.
Descrición
Na fase inicial do sendeiro hai boas vistas sobre as illas Alvedosas e
San Simón, ademais de Ponte Sampaio e Arcade. Continuando polo camiño
atópase a Punta do Castelo. O sendeiro continúa ás Salinas do Ulló, por
un paseo empedrado. Rodéase as salinas o carón dunha bancada de pedra e o
camiño discorre entre unha zona de xunqueira á dereita e os restos da
salina á esquerda. Collese un camiño á dereita, que se atopa ó final da
banca e o camiño entra nun bosque, coñecido como a Granxa das Salinas.
Neste lugar atópanse os restos das casas de pedra onde se elaboraba o
sal procedente das Salinas. No interior delas aínda se conservan
vestixios dunha antiga capela, o patio e unha lareira.Séguese o camiño
polo bosque por unha pista pegada á costa que leva ó peirao de Acuña.
Dende aquí divísase a Punta do Castelo, Ponte Sampaio, a praia de
Arcade, San Simón, a ponte de Rande e o Monte do Cabalo. Pásase o peirao
e o camiño continúa sen sombra, pola beira das fábricas de conservas.
Seguindo o sendeiro atópanse viñedos e un muro de pedra e séguese a
Larache. Do mar que se atopa á esquerda, emerxen unhas bancadas que
antigamente eran refuxio artificial para o cultivo de moluscos. Séguese o
camiño á enseada de Larache onde remata o sendeiro
Puntos de interese
Elementos Naturais
- As Salinas do Ulló.
- A bancada das Salinas.
- Árbore do Tamarindo.
- Granxa das Salinas e de Larache.
- Vistas das Illas Alvedosas, ría de Vigo e Arcade.
- Peirao de Acuña, onde se atopa a pedra dos Caralletes.
- A Chan da Croa.
- Flora: tamarindo, loureiro, castiñeiro, carballo, eucalipto, sobreira, bidueira, ameneiro, salgueiro e piñeiro.
> Camiño Real ou
dos Arrieiros (Ponte Caldelas)
> Muíños da Barosa (Barro)
> Muíños da Freixa (Poio)
> Os Tres Pinos (Pontevedra)
> Ruta das Fontes (Pontevedra)
> Chan do Vilar e
Muíños de Vilaboa (Vilaboa)
> Pedra Miranda (Vilaboa)
> A Croa (Vilaboa)
> Muíños de Riomaior (Vilaboa)
> Petroglifos de Cobres (Vilaboa)
> Ruta das Mámoas do Morrazo
> Itinerario Natural e Cultural
de Ponte Sampaio (Pontevedra)
|
|
|
|