 |
A A-D-R
PROGRAMA DE DESENVOLVEMENTO RURAL
TABOLEIRO DE AVISOS
SENDEROS
Perfil
Punto de partida/chegada: Comeza na parroquia de Forzáns (Ponte Caldelas) e remata na parroquia de Marcón (Pontevedra).
Lonxitude: Ruta lineal de 18 kilómetros.
Modalidades: Pode realizarse tanto a pé, como a cabalo ou en bicicleta.
Duración: O tempo aproximado é de 5 horas e media a pé, 5 horas a cabalo e catro e media no caso de facelo en bicicleta.
Dificultade: Baixa, aínda que debe terse en conta que unha parte importante do trazado discorre por asfalto.
Historia
Este camiño ten unha gran importancia histórica posto que era a antiga
vía de comunicación e de intercambio comercial entre Pontevedra e
Ribadavia. Era utilizado dende o século XV para transportar o viño de
Ribadavia a Pontevedra para ser posteriormente comercializado a Biscaia e
á Bretaña Francesa. Por este camiño andaban os arrieiros, que eran os
encargados de transportar o viño en recuas de mulas.
Descrición
O sendeiro comeza por unha pista de terra, cruzando a estrada xeral
C-531, que ven dende Porto, no concello de A Lama. Cóllese o camiño que
pasa polo lugar de Feira, ata chegar á Esfarrapada. Dende aquí cóllese a
pista que vai polo medio desta parroquia e leva O Coto, para seguir
despois ata A Costa. Da Costa baixase ata Os Pazos ata a estrada xeral
C-531. Continúase ata chegar a Ponte Caldelas. Dende aquí séguese por
Cuñas cruzando unha zona de agro e monte ata chegar a estrada vella de
Tourón. Crúzase de novo a estrada xeral e continúase po run camiño de
terra entre unhas fincas que nos levan a Buchabad. O chegar alí,
continúase por unha estrada asfaltada polo medio da parroquia ata a
estrada C-531 e cóllese un tramo ata Vilarchán, onde o camiño continúa
pola estrada vella ata voltar de novo á estrada xeral. Crúzase esta
estrada e continuamos ata Reigosa, polo antigo camiño real. O camiño
pasa por detrás do polígono industrial e vai ata a Ermida. Dende a
Ermida o camiño discorre ata Marcón, o final da ruta.
Puntos de interese
Arquitectura
- Camiños empedrados e amurallados.
- Igrexa Parroquial de Forzáns e de Tourón.
- Muíño de Forzáns.
- Peto de ánimas en Cuñas.
- Rectoral de Tourón.
- Hórreo de Tourón.
- Casa grande de Buchabad.
- Cruceiro das Leiras en Buchabad.
Elementos Naturais
- Río Barosa
- Árbores: ameneiros, salgueiros, freixos, loureiros, carballos, piñeiros, ruscos, sabugueiros, xestas e espiños.
- Fauna: Eslizón común, lagarto ocelado, lagarto verdinegro, sapos,
salamandras, ratoeira, pardal, lavandeira, cuco, bubela, ocas, patos,
ourizo, toupa, musaraña, coellos e esquíos.
Zonas de recreo
- Regato de Xián.
- Árbores: carballos, amieiros, sanguiños, abeleiras, bidueiros, piñeiros, acacias, salgueiros e xestas.
- Fauna: xabarís, coellos, raposos, nutrías, denociñas, aguias, corvos,
mouchos, pegas, pombas toraces e outros paxaros menores, lagartos,
troitas e serpes.
> Camiño Real ou dos Arrieiros (Ponte Caldelas)
> Muíños da Barosa (Barro)
> Muíños da Freixa (Poio)
> Os Tres Pinos (Pontevedra)
> Ruta das Fontes (Pontevedra)
> Chan do Vilar e
Muíños de Vilaboa (Vilaboa)
> Pedra Miranda (Vilaboa)
> A Croa (Vilaboa)
> Muíños de Riomaior (Vilaboa)
> Petroglifos de Cobres (Vilaboa)
> Ruta das Mámoas do Morrazo
> Itinerario Natural e Cultural
de Ponte Sampaio (Pontevedra)
|
|
|
|