 |
A A-D-R
PROGRAMA DE DESENVOLVEMENTO RURAL
TABOLEIRO DE AVISOS
SENDEROS
Perfil
Punto de partida/chegada: O percorrido comeza na Igrexa de Caritel e remata no mesmo punto.
Lonxitude: Ruta circular de 10.820 metros.
Modalidades: A pé.
Duración: O tempo aproximado é de 3 horas e 20 minutos.
Dificultade: Media.
Descrición
Primeiro tramo: Vai dende a igrexa de Caritel ata a
Fraga de Abaixo, discorrendo por un antigo camiño empedrado de gran
beleza paisaxística. Ó comezo o sendeiro pódese visitar a igrexa de
Caritel. No entorno da igrexa obsérvase o cruceiro do Coto e dous
hórreos restaurados. A medida que discorre o camiño, este ofrece unhas
vistas espectaculares. Neste tramo atopamos un pontillón de pedra que
pasa por encima do regato das Costiñas. A maior parte do tramo é
sombreado.
Segundo tramo: Vai dende a Fraga de Abaixo ata os pasos
de Portasouto que cruzan o rio Verdugo. Este tramo discorre por un
camiño empedrado e conta con sombra en case todo o trazado. Atopámonos
outro pontillón que pasa sobre o regato das Costiñas. A uns 50 metros o
sendeiro presenta unha derivación que nos conduce ata outros pasos do
río. Retomando o sendeiro, séguese ata o Coto de pesca. Para chegar hai
que cruzar uns pasos sobre o río denominados “pasos da Fraga”, que
cruzan o regato Larpea, e os “pasos de Portasouto”, que cruzan o río
Verdugo. Neste mesmo punto tamén hai dous muíños: un rehabilitado e
outro en ruinas, e na marxe dereita atopamos un fermoso peto e ánimas.
Terceiro tramo: Vai dende Laxoso ata os pasos da
Coveliña. O camiño sube cara as casa de Portasouto por unha pista de
terra e tras un pequeno tramo de pista asfaltada volvese coller unha
pisa de terra que chega ata Porcinas. Dende aquí o camiño vai entre
muros por un entorno forestal que vai cara o foxo do lobo. Atópase
tomando unha pista de terra na estrada que vai dende Ponte Caldelas a
Augasantas. Este era o lugar onde se lle daba a batida ós lobos
antigamente. Consistía nuns muros en forma de “V”, mais abertos no
principio e cerrados ó final, facendo na última parte un círculo duns 5
ou 6 metros de profundidade. Nel, colocábanse unhas ramas en forma de
trampa ata onde se conducía o lobo para matalo.
Dende aquí facemos un tramo pola estrada que vai dende Ponte Caldelas
ata Augasantas e collemos a man esquerda unha pista que nos levara ata
Laxoso de Arriba. O entrar en Laxoso, viramos á dereita e continuamos
polo medio de Laxoso ata dar cun camiño con muros de pedra no que
atoparemos dous cruceiros de pedra. Este camiño é o antigo camiño de
Roriz. Dende aquí baixamos cara a Laxoso de Abaixo e pasamos cerca da
igrexa de San Xoán. Volvemos a atravesar a estrada que vai dende Ponte
Caldelas a Augasantas e polo lugar coñecido como Tras da Costa, chegamos
a Laxoso de Abaixo. Xusto no final da aldea atópase un regato que hai
que cruzar para continuar o camiño e este continúa baixando entre muros
ata topar co regato da Coveliña, que se atravesa polos pasos da
Coveliña. Retómase o camiño e continuamos ata atopar o camiño polo que
se baixou dende a igrexa de Caritel.
Puntos de interese
Arquitectura
- Igrexa de Caritel.
- Peto de ánimas, coa imaxe de San Antón co neno Xesús.
- Pasos do Rego das Coveliñas.
- Muíño do Regueiro, da Ferreira e dos Castiñeiriños.
- Foxo do Lobo.
- Cruceiro do Pe das Herbas e do Camiño do Roriz.
- Capela de San Xoán.
- Peto de ánimas no Camiño do Roriz.
- Caseta de vixilancia na Portela.
Elementos Naturais
- Río Verdugo.
- Río Pequeno ou da Larpea.
- Regato das Costiñas.
- Vexetación típica do bosque galego (carballos, amieiros, sanguiños, abeleiras e bidueiros).
- Fauna: xabarís, coellos, raposos, nutrías, denociñas, aguias, corvos,
mouchos, pegas, pombas toraces e outros paxaros menores, lagartos,
troitas e serpes.
Zonas de recreo
- Area recreativa no paseo fluvial do río Verdugo.
> Camiño Real ou dos Arrieiros (Ponte Caldelas)
> Muíños da Barosa (Barro)
> Muíños da Freixa (Poio)
> Os Tres Pinos (Pontevedra)
> Ruta das Fontes (Pontevedra)
> Chan do Vilar e
Muíños de Vilaboa (Vilaboa)
> Pedra Miranda (Vilaboa)
> A Croa (Vilaboa)
> Muíños de Riomaior (Vilaboa)
> Petroglifos de Cobres (Vilaboa)
> Ruta das Mámoas do Morrazo
> Itinerario Natural e Cultural
de Ponte Sampaio (Pontevedra)
|
|
|
|