Tamén conmemóranse as Festas das Dores no lugar de Anceu o último domingo de setembro que destacan pola celebración dunha tradicional danza cuxa orixe se remonta á época dos celtas.

Outra das festas máis importantes do concello, e quizais a que reúne máis público, é a Festa da Troita. Naceu no ano 1967 como froito da excelente pesca que se obtén no río Verdugo e hoxe constitúe un dos festexos gastronómicos de máis tradición e antigüidade en Galiza. Declarada como festa de interese turístico, ten lugar o derradeiro domingo de maio e entre todas as actividades que abrangue, destaca un concurso internacional de pesca deportiva na modalidade de salmónidos.

Tamén se festexan as romarías de san Vicente, en Parada (22 de xaneiro), a Virxe da Saúde, en Rebordelo (o domingo seguinte á Semana Santa), e a de Cristo Rei, en Xustáns (o primeiro domingo de xullo).

Na vila de Ponte Caldelas hai feira os días 5 e 20 de cada mes.