O concello de Poio conta cunha ruta de sendeirismo que percorre as beiras do río Freiría, coñecido tamén como Ruta dos Muíños, na prarroquia de Samieira. Considerada como unha das rutas máis importantes das Rías Baixas, trátase dun percorrido de aproximadamente 10 quilómetros, de dificultade baixa. O primeiro treito do paseo permite contemplar diversos exemplos da arquitectura popular galega. Nesta zona xa empezan a verse os primeiros dos 23 exemplares de muíños que se van sucedendo ao longo de todo o municipio e dos cales dous aínda hoxe seguen funcionando. A segunda parte do camiño afástase da canle do río para adentrarse nos montes do lugar, onde se observan distintas fontes, calzadas, miradoiros naturais e diversas mostras do pasado prehistórico do concello.

A zona máis accidentada pola súa extensión, preferentemente polas partes altas máis próximas á montaña, constitúea a parroquia de Samieira, que ofrece especiais particularidares dentro do municipio. Desde ela enxérganse panorámicas extraordinarias, sobre toda da península do Morrazo, ao outro lado da Ría, que suscita a sensación de que aldeas e vilas poden tocarse e darse a man pese a estaren illadas.