 |
|
Entre a arquitectura relixiosa que posúe o concello cómpre suliñar a igrexa parroquial de San Martiño de Agudelo, alto obrigado no camiño portugués de peregrinación a Santiago. Trátase dun templo de construción románica do século XII, estilo ao que pertencen a porta occidental e o ábside de forma semicircular. A portada principal, sita na fachada occidental, crese que foi obra do maestro Mateo, artífice do Pórtico da Gloria da catedral de Santiago. Outra igrexa de grande interese é a de Curro, de comezos do sécilo XVI, que presenta algúns elementos do románico. É de estilo oxival tardío que forma un harmonioso conxunto co seu adro e cruceiro. Ademais do resto de igrexas parroquias, hai polo concello varias capelas que tamén teñen un certo interese: a capela de San Amaro en Portela, a da Nosa Señora das Virtudes en Barro, e as de Santo Antoniño e das Dores, no lugar de Búa.
| ||
 |  | |
San Martiño de Agudelo | San Martiño de Agudelo | |
Asociación de Desenvolvemento Rural Proder II-Comarca de Pontevedra