A maior parte da poboación reside nas parroquias interiores e a actividade económica predominante, tanto polo seu volume económico como polo número de persoas dedicadas a ela, é a derivada da agricultura e gandaría. Estas actividades son fundamentalmente de subsistencia, un pequeno complemento de ingresos para algunhas familias e fonte de autoconsumo para outras. Na maioría dos casos, as actividades agrícolas compaxínanse co desenvolvemento de distintos traballos no sector da construción e da industria.

As restantes actividades económicas son de escaso peso na economía municipal; o sector secundario está representado pola industria textil, así como por pequenos industrias relacionadas coa transformación madereira que aproveitan a riqueza forestal do concello.